يعنى ايه حب؟؟؟
*******************
قررت اكون جريئ واسأل سؤال كان شاغلنى بقاله كتير….
ايوة بجد يعنى ايه حب؟
يعنى ايه انا احب واحده تفهمنى وافهمه؟
يعنى ايه احب واحده تحسنى واحسه؟
يعنى ايه احب واحده متملش منى ابدا ولا يزهق؟؟
يعنى ايه احب واحده تحبنى اكتر مانا بحبها…واحس انى بحبها اكتر ما بتحبنى؟
اصلا يعنى عرفنا كلمة حب دى منين؟؟؟
انا عن نفسى هتكلم عن نفسى بما انى بتكلم بنفسى
انا عرفت كلمة حب دى من الاغانى والافلام
يعنى الافلام والاغانى القديمة بالذات عشان فيها احساس….لما البطلة الغنية تحب البطل الفقير….ويفضلوا طول الفيلم فى صراع وبيدافعوا عن حبهم…وفى اخر الفيلم بتختفى الصراعات فجأة لما ابو البطلة يقتنع اخيرااااا ….
"" ان السعادة ليست فى المال بل هى فى الحب""…
دايما كنت بسأل نفسى هو دا الحب فعلا؟؟؟
والاجابة فى الوواقع كانت بتبقى ايوة….
كنت بحس انه فى حاجة ناقصة….اصل الحب لو كدا يبقا بايخ…
ليه يبقا كلة عذاب ….وليه يبقا كله عسل؟؟؟
هوة مفيش وسط؟؟
عشان كدا كنت مقتنع تماما انى عمرى ما هاحب…عشان انا مشاعرى موش واحدة كدا…
وعشان بخاف من عذاب الافلام….وعسل الواقع…..
وعشان مجربتش احب من طرفين….
بردووووووو….نرررررجع لسؤالنا..
يعنى ايه حب ؟؟؟
يعنى ايه حب صادق ميكونش بيعبر عن العذاب المطلق او العسل المطلق؟؟
اصل العذاب بيحسس الانسان بالملل والتعب والارهاق ازاى يبقا حب وهو كدا؟؟؟
والعسل حاجة حلوة …بس كترها ""بيجذع النفس"" ازاى يبقا حب وهو كدا؟؟؟
طيب…..
انا ممكن اقول …..
لما افهمه اوى لدرجة انى افهمه من عنيه…يبقا بحبه
لما احترمة اوى لدرجة انى مستحملش كلمة عليه…يبقا بحبه
لما يقولى كلمة وافهمها من غير ما اقوله ليه….يبقا بحبه
مش استسلام…
بس احترام…
لما اصبر على مواقفه الصعبه…واقف جنبه….يبقا بحبه
لما احس انى انا وهو روح واحدة …يبقا بحبه
لما يبعد عنى ….ويوحشنى اوىىىى….يبقا بحبه
لما يزعلنى …وابكى….يبقا بحبه
لما يحسسنى انى اغلى حاجة عنده فى الدنيا كلها….
يبقا اكيد …اكيد …اكيد….بحبه
ولما احبه…..يبقا اكيد…. اكيد…. اكيد …بيحبنى
وهو ده الحب ....
من وجهه نظرى المتواضعه ...
وانتو ايه رايكم ؟؟؟
موضوع: يعنى ايه حب!!! 
السبت يوليو 16, 2011 10:19 am
