شعر عن الأم

حبيباتي اليكم أجمل ما قرأت عن الأم شعر سوداني دارجي ل د-مشاعر الشيخ
أمي
ياأغلي زول.
مابطولو قول.
يا أمي يانبع الحنان.
وردة وجنان.
مخضّرة في كل الفصول
يا غالية مابوفيكي قول
لو قلت أكتب فيكي حول
او حتي لي آخر العمر.
ماظن غناي أنا ليك يطول
ماأظن حروفي أنا ليك تطول
يا ساكنة فيني وباقيه.
مابغشاك إفول
لو جارت الأيام عليّ.
والنائبات حلن نزول
دايما بتهديني الصواب.
دايما بتديني الحلول
دايما بلاقيكي الجواب.
ضد قسوة الزمن العجول
ياعشق ساكن في دوام.
يا ريدة جواي مابتزول
ياغارسة فيني الطيبة.
والقيم الاصول
أديني ريدك والقبول
ماأظن غناي أنا ليك يطول