فى ايه يا شعب
عاوز ايه تانى
بتاكل احسن اكل واللحمه مليه التلاجه
والميه بتشربها معدنيه
والعيال فى احسن مدرسه
واللى عاوز يكمل تعليمه بره بنسفره
كله كوم واصحاب المعاشات كوم تانى واخدين حقهم وزياده حبتين المعاش بيوصلهم لحد البيت
والشباب ياعينى مش عارفين ياخدوا نفسهم من كتر الشغل لاء وكمان كل واحد ليه شقته
عشان يتجوز امال انتو فاكرين ايه قبل رئيس الوزاره ما يتجوز اطمن ان الشباب كله ضمن مستقبله
وكل واحد عنده شقته عشان يتجوز زيه
تصدقوا رئيس الوزاره كان عاوز يعمل فرحه وفرح الشباب فى يوم واحد ويبقى فرح جماعى
لاء واللى بيتعب
فى احسن مستشفى بتعالج انتو فاكرين ايه دا احنا معانا التامين الصحى
ولا الشوارع يا سلام عليها وعلى جمالها نضافه ايه والله انضف من الصينى بعد غسيله
ولا الكبارى متنظمه وعلى سنجه عشره
يبقى بقى عاوزين ايه تانى
لاء ملكش حق يا شعب
والله الحكومه تعبت ومش عارفه ترضيك ازاى
بالزمه ده اسمه كلام
موضوع: يا حبيبتى يا حكومه 000 والله بتتعبى 
الثلاثاء مارس 16, 2010 6:13 pm
