روائع صلاح جاهين

عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!
......................



رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبي !!

....................................



ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!

..................................




ورا كل شباك ألف عين مفتوحين
و انا وانتي ماشيين يا غرامي الحزين

ايه يا احمد الكلام الجامد ده تسلم اديك على الاشعار الجميله دى بجد جميل اوووووووووووى

تسلم اديك يا احمد على الكلام الروعه ده

تسلم اديك يا احمد على الكلام الجامد ده بجد روعععععععععععه